Peran Pemuda dalam menjaga Keutuhan NKRI

Oleh: Jukhri Syahputra Bancin

Negara Indonesia adalah Negara keempat terbanyak jumlah penduduknya. Berdasarkan Badan Pusat Statistik memproyeksikan penduduk pada tahun 2014 terdapat balita dan anak usia 0-9 tahun jumlahnya mencapai 47,2 juta, remaja 10-24 tahun 65,7 juta serta lansia (usia 60 tahun ke atas) berjumlah 20,8 juta jiwa. Jadi kesimpulannya adalah Jumlah pemuda di Indonesia dari usia 10-24 tahun mencapai 27% dari jumlah penduduk Indonesia . Itu menunjukkan bahwa Indonesia mempunyai bibit-bibit unggul yang harus diperhatikan dengan baik.

Continue reading →

Cerita Rakyat 'Nantampuk Mmas'

Arnia lot mo sada daholi anak perana, ukum ulanna pellin merburu ngo. I sada tikki roh mo udan toko nderasna. Laus mo anak perana en mi delleng lako merburu wangkah, I embah mo kujurna. Molo laus ia merburu terusen ngo merembah hasil mi kutana, marang pe mi sapona.
Tapi tupung i ari udan, laus mo ia dekket mersurak-surak kennah lot dapetten hasil. I embah mo kujurna mernangen mo ia menengen sada asar wangkah si enggo ndekkah oda terpakke. Enggo kessa naing iambongken anak perana ndai kujurna, I begemo sora ibagas asar I nai. “Tole siko nange”. Heran ngo anak perana idi, memege sora si roh ipas asar i nai.
Anak perana pemburu ndai pe laus mengintip mi bagas asar idi. I idah ia mo sada simerbaju mberu dekket sada kessuk. Kessuk en kelleng kalohon ngo atena mi daberru en, karna Kessuk en ngo inang si merbaju i. Nai iberanikan anak perana ndai mo dirina menjumpai simerbaju I, kerna mberru ngo si merbaju i.
Masuk mo ia ia mi asar i, nina mo mendahi simerbaju i, “sentabi turang, aku si Haji ngo, ise ngo ndia ke, janah merkade kene isen?”. Tersenget mo simerbaju i, itengen ia mo anak perana si roh mendahi ia. I jawab simerbaju I mo kuso-kuso anak perana ndai “Gelarku Nantampuk Emas ngo, janah en sapoku ngo”.
Singkat ni cerita, enggo kessa piga-piga dekkah mengeranai si Haji mendahi si Nantampuk emas, i dokken si Haji mo asa Nantampuk emas mahan perukat nakkanna. I ueken Nantampuk Emas ngo pengidoen si Haji. l embah si Haji mo Nantampuk mas mulak mi kuta, I tadingken Nantampuk mas mo inangna I asar idi, kumerna mela ngo Nantampuk mas kibagahkan mendahi si Haji, Mela Kessuk si rebbak dekket Nantampuk emas I inangna ngo.
Tapi tong ngo I ekutken si Kesuk idi kalak I sidua ipodi nai, ninganna menangen mo ia : “Tulihken aku tulihken berru ni, upah menggeluhi dedek ni inangna”. Oda ngo laju i tulihken Nantampuk Emas inang nai. I pakulah mo oda ibege sora nangen inangna ndaboi. Nai roh mo si Haji nina mo ” Sora ise ngo si mernangen i?” “Eta mo merdalan, unang pella begeken sora i”, nina Nantampuk Emas.
Oda piga dekkah soh mo kalak ini mi kuta, mi sapo si Haji. I cekep Nantampuk Emas ngo tongrahasia ni inang na I, janah oda ngo pernah ibagahken ia ise ngo inangna situhunna. I pergeluhen ni rumah tangga si Haji dekket Nantampuk Emas soh mo mendena. Si Kesuk, inang ni Nantampuk Emas engket mo tong mi sapo si Haji I bekkas mberruna tading, janah bekasna I tongkarang bagesni dukak ni ngo ia. Mella lot koling galuh tading I dabuhken Nantampuk Emas I lubang-lubang I naim, Imo panganenna.
Oda piga dekkah tubuh mo si kedek-kedek kalak en. Ukum Karejo si Haji tong ngo laus merburu mi delleng. Enggo kessa laus si Haji merburu mi delleng isuruh Nantampuk Emas mo inangna (Kesuk) mi bagas, lako menjaga dukak na I, ala naing mi lae ngo Nantampuk Emas. Masuk ngo inangna ndai mi bagas, nina mo “Lako mo ndor, asa ndor ko nahen balik”. Laus mo Nantampuk Emas mi lae.
Sinderrang I lae deng Nantampuk Emas, menter roh mo si Haji i delleng nai, janah tersenget mo ia, I idah ia mo dukakna itempi Kesuk. I tarik mo dukak na I, iabingen Kesuk I nai, janah ibuat ia mo kayu, i palu mo Kesuk ndai janah mate mo Kesuk I, I ambongken mo bangke Kesuk i gembar sapo na.
Mulak mo Nantampuk Emas I lae nai, I idah mo bangke ni inang na igembar sapo nai. Tangis mo ia, ninganna ikuburken ia mo inangna I gembar sapo kalak i, I idah si Haji mo pengelako ni perukat nakan na I, janah ibettoh ia mo ukum Kesuk si ni pateken na I, imo simatuana, Inang ni Nantampuk Emas.
Isuruh si Haji mo Nantampuk Emas mengkurak perdeban ni simatuana I, janah i palu mo genderang ibagahken mo mi aur I, enggo mate inang ni Nantampuk Emas. Mela ngo perasaan ni Nantampuk Emas, mella ibettoh deban nahan inangna oda jelma, tapi Kesuk ngo.
I bain si Haji mo akkal-akkal, I tutup mo si Haji mo bangke simatuana I dekket abit kapal kalohon. Oda mo ibettoh deba Kesuk ngo si mate I,oda ngo jelma. Tangis mo kalak iduana, merohen mo pengisi aur I lako menongger simatua ni si Haji. Roh ngo penyesalan I ukur ni Nantampuk Emas, Baku ne pe keppe merohana inangku kin, I ma ngo asa inang, oda ngo penagamen, na ukum daholi na ndai bagi bagi ngo burju na.

Continue reading →